තුර්කි හමුදා කුමන්ත්‍රණයට ගොදුරු වූ ජනමාධ්‍ය

''තුර්කි හමුදා කණ්ඩායමක් එරට බලය අල්ලා ගැනීම සඳහා හමුදා කුමන්ත්‍රණයක්  ක්‍රියාත්මක කළ බව විදෙස් මාධ්‍ය මඟින් ලොවම දැනුවත් කළා. සිදුවීමත් සමඟ ලෝකයේ දේශපාලන මුල් භීතියෙන් වෙලී ගියා කීවොත් එය වැරදි නැහැ.මෙම හමුදා ප්‍රහාරයේ බරපතල අනෙක් කරුණ නම් ඔවුන් විසින් ප්‍රථමව අත්පත් කරගන්නේ එරට ක්‍රියාත්මක ජනමාධ්‍ය ආයතනයි.''

හමුදා කුමන්ත්‍රණය ක්‍රියාත්මක වෙද්දී ඔවුන්ගේ හමුදා බට කණ්ඩායමක් එරට රාජ්‍ය රූපවාහිනී නාලිකාවක් වන TRT  නාලිකාව අත්පත් කරගන්නවා.මෙම සටහන තබන අවස්ථාව වන විට එරට තත්ත්වය පාලනය කළ බවත් හමුදා කුමන්ත්‍රණය පරාජයට පත් කර තිබෙන බවත් මාධ්‍ය වාර්තා කර තිබෙනවා. 

 තුර්කි ජනාධිපතිවරයා වන  Recep Tayyip Erdogan ජංගම දුරකතනයක් භාවිත කරමින් එරට ජනතාවගෙන් ඉල්ලා සිටියේ ක්‍රියාත්මකවන කුමන්ත්‍රණයට එරෙහිව ජනතාවට වීදි බසින ලෙසයි.
 

එම පුවත් මාධ්‍ය මඟින් ප්‍රචාරය වීමත්  සමඟ ජනතාව මාර්ගවලට පිවිස විරෝධතා දක්වන්නට විය.කෙසේ වෙතත් ඉතාමත් දරුණු ගැටම් සිදු වූ බවට වාර්තා වන තර සිදුවීමෙන් පුද්ගලයන් 161ක් පමණ මියගොස් ඇති බව වාර්තා වෙනවා.කුමන්ත්‍රණකාරී හමුදව විසින් එරට පාර්ලිමේන්තුවට ද ගුවන් ප්‍රහාරයක් එල්ල කර තිබෙනවා. ඉන් බරපතල හානී පාර්ලිමේන්තුවට සිදුවෙලා.


එරට සිට ක්‍රියාත්මක වූ සී.එන්.එන් නාළිකාව කඩා වැදුණු කුමන්ත්‍රණකාරී හමුදා බට පිරිස් එහි පාලනය අතට ගත්තා. මෙම සිදුවීම ජාත්‍යන්තර ජනමාධ්‍ය තැතිගැන්වීමක් ඇති කළ බවයි වාර්තා වෙන්නේ.

එමෙන් ම තුර්කියේ ප්‍රකාශයට පත් වන ජාතික පුවත් පතක් වන Hurriyet Gazetesi  පුවත්පත් ආයතනයද හමුදා ග්‍රහනයට පත් වුණා.හමුදා පිරිස එරට රාජ්‍ය නාලිකාව අත්පත් කරගැනීමෙන් පසුව  නිවේදිකාවක විසින් හමුදාව බලය අත්පත් කරගෙන සිටින බව පෙර සකස් කරන ලද නිවේදනයක් ප්‍රකාශයට පත් කළා.

ඔවුන් අන්කාරා හී පිහිටි සී එන් එන් (Dogan Media Centre) නාලිකාවේ තුර්කි මධ්‍යස්ථානය ඇතුළත් වන අතර සජීවී විකාශනයේ පාලක මැදිරිය අත්පත් කරගන්නවා. ඔවුන් ඒ වනවිටත් විකාශය කෙරෙමින් තිබූ සජීවී විකාශනය නවතා දැමීමට කටයුතු කරනවා.

Hurriyet Gazetesi පුවත්පත ආක්‍රමණය කරන විට එහි සේවයේ යෙදමින් සිටි   Emre Kizilkaya  සිය ට්විටර් සමාජ ජාලයට  පුවත්පත ආක්‍රමය කර තිබෙන බව සටහන් කර තිබුණා.

සිදුවීමත් සමඟ තුර්කියේ යන සමාජ ජාල මාධ්‍ය නවතා දැමීම කර තිබුණා.කෙසේ වෙතත් තත්ත්වය පාලනය කරමින් අළුයම වනවිට ටී.ආර්.ටී. නාලිකාව අළුයම 1.00ට පමණ සිය විකාශන කටයුතු ආරම්භ කළා.සී.එන්.එන් නාළිකාවේ අන්කාරා හි පිහිටි මධ්‍යස්ථානයට සිය විකාශන කටයුතු අළුයම 3.30 වනවිටත් ආරම්භ කරගැනීමට නොහැකි වුණා.

කෙසේ වෙතත් හමුදා කුමන්ත්‍රණය මෙහෙය වූ සොල්දාදුවන් ඇතුලු නිලධාරීන් 2800ක් අත් අඩංගුවට පත් ව අවසන්. ඔවුන්ට එරෙහිව නීතිය දැඩිව ක්‍රියාත්මක කරන බව තුර්කි ජනාධිපතිවරයා පවසනවා.

 

අන්තර්ජාල තොරතුරු ඇසුරෙන්

 පී. රත්නායක