මාධ්‍ය දඬබීමක් වූ සිරියානු යුද ගැටුම්

ස්වාධීන සිරියානු ජනමාධ්‍යවේදියකුගේ ඝාතනයක් පසුගියදා සිරියාවෙන් වාර්තා  වෙනවා.
2016 වසරේ ගත වූ කාලසීමාව තුළ තෙවැනි මාධ්‍යවේදී ඝාතනය ලෙසයි විදෙස් මාධ්‍ය වාර්තා කරන්නේ.මෙහි කතානායක මාධ්‍යවේදීයා ඝාතනය වන්නේ සිය නිවස පිහිටි Aleppo හීදී.

 Khaled Lssa සිරියානු ජාතික පුවත් ඡායාරූප ශිල්පියෙක්.සිය නිවසේ සිටියදී බෝම්බ ප්‍රහාරයකට හසුවුණා. Khaled මරණය වැළඳගන්නා අතර ඔහු සමඟ සිටි  මාධ්‍යවේදී Hadi Al- Abdullah බරපතල ලෙස තුවාල වුවත්  ජීවිතය අහිමි වන්නේ නෑ.

මෙම ඝාතනය කවුරුන් විසින් සිදු කළේ ද යන්න නිශ්චිත නති වුවත් මෙම අඳුරු ඝාතනයට අඟිල්ල දිගුවන්නේ අල් කයිඩා සංවිධානයට අයත් Nusra නැමැති සංවිධානයකටයි.


Nusra නමැති සංවිධානයේ ක්‍රියාකාරීත්වය පිළිබඳ දැඩි විවේචනයක සිටි මොවුන් ඒ හේතුව නිසාම ඉලක්කයක් වූ බවයි විදෙස් මාධ්‍ය සංවිධානවල අඳහස වී තිබෙන්නේ.ලාසා මීට පෙර ද සිවිල් ගැටුම්, යුද තත්ත්වයන් වාර්ත කළ තරුණ ඡායාරූප මාධ්‍යවේදියෙක්.

අයි.එෆ්.ජේ.(IFJ) වැනි ලෝක මාධ්‍ය සංවිධානවල අවධානයද මෙම ඝාතනය කෙරෙහි යොමු වී තිබෙනවා.

''මෙවැනි තරුණ අභීතවත් ජනමාධ්‍යවේදියෙකු විසින් තම ජනතාව කෲර යුද්ධයක් නිසා විඳින පීඩාව ලෝකයට ප්‍රකාශ කරන්නට උත්සහ ගත් බව ''අයි.එෆ්.ජේ. සංවිධානයේ සභාපති Philip Leruth පවසනවා.ජනමාධ්‍යවේදීන් ඇතුළුව සිවිල්  ජනතාවගේ ආරක්ෂාව් සහ ඔවුන්ට නිදහසේ කටයුතු කිරීමට  අවස්ථාව සළසා දෙන ලෙසයි ලෝක මාධ්‍ය සංවිධාන වගකිවයුතු පාර්ශවයෙන් ඉල්ලා සිටින්නේ.

මේ වනවිටත් සිරියාවේ මාධ්‍යවේදීන්වන Mohomad Zaher,Al- Shurqat ,Majid  Diran යන අයගේ ජීවිත අහිමී වී අවසන්.

2015 දී Deir Ezzor පැහැරගොස් තිබුණා.දිගින් දිගටම එරට සේවය කරන මාධ්‍යවේදීන්ට තර්ජන එල්ල වෙමින් පවතින බවයි මාධ්‍ය වාර්තා පවසන්නේ.ඔවුන් වාර්තාකරුවන් විශාල තර්ජනයක් ලෙස සළකනවා. ඔවුන් ඔත්තුකරුවන් ලෙසයි ඝාතකයන් හඳුන්වන්නේ.

Khaled Lssa සිරියානු ජාතික පුවත් ඡායාරූප ශිල්පි

අන්තර්ජාල තොරතුරු ඇසුරෙන්-
පි. රත්නායක